+
+

ऋण दिन नसक्ने अवस्थामा बैंक : ९ बैंकले मात्रै कायम गरे सीडी रेसियो

रोयल आचार्य रोयल आचार्य
२०७९ वैशाख १३ गते १९:३९

१३ वैशाख, काठमाडौं । अधिकांश ‘क’ वर्गका बैंकहरुले नेपाल राष्ट्र बैंकको नीति विपरीत कर्जा लगानी गरेका छन् । राष्ट्र बैंकको निर्देशन अनुसार वाणिज्य बैंकहरुले कर्जा निक्षेप अनुपात (सीडी रेसियो) ९० प्रतिशत कायम गर्नुपर्छ ।

तर ९ वटा बैंकहरुको मात्रै सीडी रेसियो सीमाभित्र रहेको छ । बैंकहरुले मनपरी ढंगले कर्जा दिदा अहिले बजारमा लगानी योग्य रकमको अभाव देखिएको हो । ९ वाणिज्य बैंकहरुले भने सीडी सीमाभित्रै अर्थात ९० प्रतिशत भन्दा तल नै राखेका छन् ।

सीडी रेसियो सबैभन्दा कम प्रभु बैंकको रहेको छ । चालु आर्थिक वर्षको तेस्रो त्रैमास अन्त्यसम्म प्रभु बैंकले ८२ दशमलव ११ प्रतिशत सीडी रेसियो कायम गर्न सफल भएको छ । सीडी रेसियो कम हुने दोस्रो नम्रबमा स्टाण्डर्ड चार्टर्ड बैंक र तेस्रो नम्बरमा एनआईशी एशिया बैंक देखिएको छ ।

स्टाण्डर्ड चार्टर्डको ८२ दशमलव ६९ प्रतिशत र एनआईशी एशियाको ८६ दशमलव १८ प्रतिशत सीडी रेसियो रहेको छ । यसैगरी सानिमा बैंकको ८७ दशमलव २२ प्रतिशत, ल्क्ष्मी बैंकको ८७ दशमलव २४ प्रतिशत र राष्ट्रिय वाणिज्य बैंकको ८८ दशमलव १७ प्रतिशत रहेको छ ।

माछापुच्छ्रे, एनसीसी र सिद्धार्थ बैंक पनि सीडी रेसियोलाई सीमाभित्रै राख्न सफल भएका छन् । माछापुच्छ्र बैंकको चैत मसान्त्सम्म ८९ दशमलव १३ प्रतिशत, एनसीसी बैंकको ८९ दशमलव १४ प्रतिशत र सिद्धार्थको ८९ दशमलव ७८ प्रतिशत रहेको छ ।

कर्जा दिनै नसक्ने अवस्थामा अधिकांश बैंक

९ वटा बाहेकका बैंकहरु कर्जा दिनै नसक्ने अवस्थामा पुगेका छन् । सबैभन्दा धेरै समस्यामा प्राइम कमर्सिलय बैंक देखिएको छ । यो बैंकको सीडी रेसियो १०० प्रतिशत नजिक पुगेको छ । राष्ट्र बैंकबाट प्राप्त तथ्यांक अनुसार प्राइम कमर्सीयल बैंकको सीडी रेसियो ९९ दशमलव ६२ प्रतिशत पुगेको छ ।

यसैगरी धेरै सीडी रेसियो हुनेमा नेपाल एसबीआई बैंक, बैंक अफ काठमाण्डू, मेगा बैंक र सेञ्चुरी कमर्सीयल बैंक पनि देखिएको छ । नेपाल एसवीआई बैंकको सीडी ९५ प्रतिशत माथि रहेको छ भने बैंक अफ काठमाण्डूको ९४.६७, मेगा बैंकको ९४.४५ र सेञ्चुरीको ९३.५७ प्रतिशत सीडी रेसियो रहेको छ ।

अन्य बैंकको सीडीको अवस्था :

बैंकको नाम सीडी रेसियो (प्रतिशत)
सिभिल बैंक ९०.२२
नेपाल बैंक ९०.३६
एनएमबि बैंक ९०.६०
सिटिजन्स बैंक ९०.६९
नेपाल बंगलादेश ९१.३९
नबिल बैंक ९१.४७
कुमारी बैंक ९१.७७
एभरेष्ट बैंक ९१.७८
हिमालयन बैंक ९१.८१
सनराइज बैंक ९१.८६
नेपाल इन्भेष्टमेन्ट बैंक ९२.३३
कृषि विकास बैंक ९२.५१
ग्लोबल आइएमई बैंक ९३.०७
सेञ्चुरी कमर्सीयल बैंक ९३.५७
मेगा बैंक ९४.४५
बैंक अफ काठमाण्डू ९४.६७
नेपाल एसबीआई बैंक ९५.३५
प्राइम कमर्सीयल बैंक ९९.६२

 

 

लेखकको बारेमा
रोयल आचार्य

आर्थिक पत्रकारितामा सक्रिय आचार्य मुलतः बैंक तथा वित्तीय संस्था, सेयर बजार र निजी क्षेत्रका विषयमा कलम चलाउँछन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?