धनकुटामा किरियापुत्रीले गरे मतदान

३० वैशाख, धनकुटा । धनकुटा नगरपालिका वडा नं. ३ मा किरियापुत्रीले मतदान गरेका छन् ।

धनकुटा नगरपालिका वडा नं. ३ का वडाअध्यक्षका उम्मेदवार समेत रहेका विकास घिमिरेसहितले भाषा मावि मतदान स्थलमा पुगेर मतदान गरेका हुन् ।

घिमिरेका बुबा हर्क घिमिरेको काजकिरियामा रहेका वडाअध्यक्षका उम्मेदवार घिमिरे, उनका दाजु विजय घिमिरेलगायत ५ जनाले स्थानीय तहको जनप्रतिनिधि चुन्न मतदान गरेका हुन् ।

धनकुटा नगरपालिका वडा नंं. ३ का निवर्तमान वडाध्यक्ष रहेका घिमिरे हाल सत्ता गठबन्धनबाट फेरि वडाअध्यक्षका उम्मेदवार बनेका छन् । घिमिरेका बुबा हर्कको २ दिन अगाडि निधन भएको थियो ।