ईस्मा-१ को वडाअध्यक्षमा कांग्रेसका कुँवर निर्वाचित

१ जेठ, गुल्मी । गुल्मी जिल्लाको इस्मा गाउँपालिकाको वडा नम्बर–१ मा नेपाली कांग्रेसका शेरबहादुर कुँवर वडाअध्यक्षमा निर्वाचित भएका छन् । कुँवरले ८ सय ७४ मत ल्याएका थिए ।

उनका प्रतिस्पर्धी नेकपा एमालेका नामबहादुर कुँवरले ७ सय १६ मत ल्याएका थिए । ०७४ सालमा सम्पन्न स्थानीय तह निर्वाचनमा नेपाली कांग्रेसले वडा जितेको थियो ।

गाउँपालिकामा अहिले अध्यक्ष उपाध्यक्ष पदमा नेपाली कांग्रेसका उम्मेदवार अगाडी रहेका छन् ।