तिलोत्तमाको मेयरमा कांग्रेस उम्मेदवारको अग्रता

१ जेठ, बुटवल । रुपन्देहीको तिलोत्तमा नगरपालिकाको मेयरमा नेपाली कांग्रेसका उम्मेदवारले अग्रता लिएका छन् ।

कांग्रेसका उम्मेदवार रामकृष्ण खाँणले एमालेका मोहन चापागाईंलाई पछि पारेका हुन् । खाँणले १०४२ र चापागाईंले १००७ मत प्राप्त गरेका छन् ।

२०७४ सालमा एमालेका उम्मेदवारसँग खाँण पराजित भएका थिए । खाँण गृहमन्त्री बालकृष्ण खाँणका भाइ हुन् । उनी कांग्रेसका जिल्ला सभापति समेत हुन् ।

उपमेयरमा भने एमालेकी जागेश्वरीदेवी चौधरी दोब्बर मतान्तरले अगाडि छन् । चौधरीले ९३० मत पाउंदा माओवादी केन्द्रका हेमन्त पाण्डेले ५१६ मत पाएका छन् ।