भरतपुर-१ को वडाध्यक्षमा कांग्रेसका उम्मेदवार विजयी

१ जेठ, चितवन । भरतपुर महानगरपालिका-१ को वडाध्यक्षमा नेपाली कांग्रेसका केशव महर्जन विजयी भएका छन् । गठबन्धनका तर्फबाट उम्मेदवार बनेका उनले १ हजार ३९७ मत प्राप्त गरेका छन् ।

उनका प्रत्यासी नेकपा एमालेका उम्मेदवार शुक्रकुमार श्रेष्ठले १ हजार ३१३ मत पाए । वडामा वडाध्यक्षसहित दुई सदस्य कांग्रेस र तीन सदस्य एमालेले जितेको छ ।

वडा नम्बर १ मा २०७४ सालको स्थानीय तहको निर्वाचनमा पनि कांग्रेस विजयी भएको थियो ।