+
+

भीमसेन थापा गाउँपालिकाको अध्यक्षमा बञ्जारा निर्वाचित

अनलाइनखबर अनलाइनखबर
२०७९ जेठ २ गते २२:३३

२ जेठ, गोरखा । गोरखाको भीमसेन थापा गाउँपालिकाको अध्यक्षमा माओवादी केन्द्रका लोकप्रसाद बञ्जरा बिजयी भएका छन् ।

प्रतिस्पर्धी उम्मेदवार नेपाली कांग्रेसका रोशन गुरुङलाई ४७५ मत अन्तरले हराउदै बञ्जरा बिजयी भएका हुन् । बञ्जराले ५ हजार ६५१ मत ल्याएका छन् भने उनका प्रतिस्पर्धी गुरुङले ५ हजार १७६ मत ल्याए ।

उपाध्यक्षमा नेपाली कांग्रेसकी अमृतादेवी वस्ती निर्वाचित भएकी छन् । उनले ५ हजार १४७ मत ल्याएकी छन् भने उनकी प्रतिस्पर्धी उम्मेदवार माओवादी केन्द्रकी जुनुमाया श्रेष्ठले ४ हजार ९२७ मत ल्याएकी छन् ।

आठ वटा वडा रहेको उक्त पालिकामा माओवादी केन्द्रले पाँच र कांग्रेसले तीन वडा जितेको छ । वडा नम्वर १, ५, ६, ७ र ८ माओवादी केन्द्र र वडा नम्वर २, ३ र ४ कांग्रेसले जितेको निर्वाचन अधिकृतको कार्यालयले जनाएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?