६ जेठ, काठमाडौं । अखिल नेपाल फुटबल संघ (एन्फा) का वरिष्ठ उपाध्यक्ष पंकजविक्रम नेम्वाङले आगामी असार ६ गते हुने निर्वाचनका लागि अध्यक्षमा उम्मेदवारी घोषणा गरेका छन् ।
शुकबार ललितपुरको एक होटलमा पत्रकार सम्मेलन गरी नेम्वाङले अध्यक्षमा उम्मेदवारी घोषणा गरेका हुन् । पंकजकै टिमबाट वरिष्ठ उपाध्यक्षमा वीरबहादुर खड्काले उम्मेदवारी घोषणा गरेका छन् ।
नेम्वाङले एन्फामा भएको आर्थिक अनियमितता र भ्रष्टाचार नियन्त्रण गर्न आफूहरुले उम्मेदवारी घोषणा गरेको बताए । उनले नेपाली फुबललाई अगाडि बढाउन जिल्ला फुटबल संघ र फुटबल क्लबहरुको सरसल्लाहमा उम्मेदवारी घोषणा गरेको पनि बताए ।
एन्फा कार्यसमिति सदस्य किरण राईले नेम्वाङको समूहलाई सहयोग रहने बताए । ‘फुटबलमा राम्रो भएन । राम्रो गर्नुपर्छ भनेर नेपाली फुटबल बचाउनुपर्छ भनेर टिम बनाएर अघि बढेका छौं । यसमा हाम्रो कुनै स्वार्थ छैन’ राईले भने ।
प्रतिक्रिया 4