+
+

कामना सम्मिलित टोलीको विजयी सुरुवात

अनलाइनखबर अनलाइनखबर
२०७९ जेठ १३ गते ९:४७
Photo Credit : माल्दिभ्स भलिबल संघ

१३ जेठ, काठमाडौं । नेपाली राष्ट्रिय भलिबल टोलीकी सदस्य कामना बिष्ट सम्मिलित पुलिस क्लबले ‘माल्दिभ्स भलिबल एसोसिएसन कप २०२२’ मा विजयी सुरुवात गरेको छ ।

माल्दिभ्सको मालेमा बिहीबार राति भएको समहू ए को खेलमा पुलिसले क्लब इगललाई ३-० को सेटमा पराजित गरेको हो । प्रतिस्पर्धात्मक खेलमा पुलिसले इगललाई २५–१९, २५–२१,२५–२० ले हरायो ।

कामनाले पहिलो पटक विदेशी लिग खेलिरहेकी छन् । कामनासँगै उषा भण्डारीले पनि माल्दिभ्समा लिग खेलिरहेका छन् ।

उषा सम्मिलित टिम धिबेही सिफान्जी क्लबले यस अघि क्लब हाल्फलाइन लिंकेजलाई सोझो सेटमा पराजित गरेको थियो ।

घरेलु भलिबलमा नेपाल पुलिस क्लबाट सँगै खेल्दै आएका कामना र उषा माल्दिभ्समा भने फरक टिमको प्रतिनिधित्व गरेर खेलिरहेका छन् । उषा र कामना सम्मिलित टिम एउटै समूहमा छ । यी दुई खेलाडी शनिबार एक आपसमा खेल्नेछन् ।

प्रतियोगितामा कूल १० टोलीको सहभागिता छ ।

 

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?