+
+

ग्रासरुटबाटै क्रिकेटको विकासमा सघाउन मेयर बालेन साह सकारात्मक

अनलाइनखबर अनलाइनखबर
२०७९ जेठ २९ गते १५:४३

२९ जेठ, काठमाडौं । ग्रासरुटदेखि नै क्रिकेटको विकासका लागि सहयोग गर्न काठमाडौं महानगरपालिकाका मेयर बालेन्द्र साह (बालेन) सकारात्मक देखिएका छन् । नेपाल क्रिकेट संघ (क्यान) का वृतान्त खनालले मेयर बालेनलाई भेट गर्दै नेपाली क्रिकेटलाई ग्रास रुटदेखि नै विकास गर्नुपर्ने विषयमा जानकारी गराएका थिए ।

खेलकुद रुची राख्ने मेयर बालेन पनि क्यानमा प्रस्तावमा सकारात्मक देखिएको र थप छलफल गरेर सहकार्य गर्ने महाप्रबन्धक वृतान्तले बताए । काठमाडौं महानगरको आर्थिक सहयोगमा क्यानले काठमाडौं मेयर कप क्रिकेट प्रतियोगिता गर्दै आएको छ । क्यान महाप्रवनध्क खनालले मेयर साहसँग तीन वटा प्रस्ताव बारे जानकारी गराएका थिए ।

‘पहिलो स्कुलदेखि नै क्रिकेट विकास गर्नका लागि हरेक स्कुलमा दुई नेटको व्यवस्था गर्ने, दोस्रो त्यही स्कुलमा क्रिकेट सिकेका खेलाडीहरु उत्कृष्ट छानेर मेयर कपमा आफ्नै टिम बनाउने र तेस्रो मैदानमा मेयर प्यारापिट बनाउन विषयमा छलफल भयो । यसमा उहाँ सकरात्मक देखिनुभा’छ ।’ खनालले भने, ‘अब यसका लागि प्याब्सन र एनप्याब्सनसँग छलफल गरेपछि यस काम अघि बढाउने छौँ ।’

पहिला नीतिगत काम गरेपछि अनी मैदानमा उत्रने गरी काम गर्ने योजना रहेको खनालले बताए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?