+
+
कविता :

किन चुप छस् ?

डा. विनोद ढकाल डा. विनोद ढकाल
२०७९ जेठ ३१ गते १३:१९

एक ठूलो नेपालभित्रको

नेपालभित्र रहेको सानो नेपालभित्र रहेको सानो नेपाल

मप्रति जिम्मेवार बनोस् ।

तर चाहनाभित्र मरेका चाहनाहरू

बारम्बार चाहनाले नचाहेरै मारिएका छन् ।

सोच्छु, कोही

तिमीभित्रको तिमीभित्र लुकेको तिमीलाई भेटाउन

दौडिंदै, हिंड्दै, उड्दै, गुड्दै, पौडिंदै आउँदैछु भनोस्

एक पलभित्रको पलभित्र रहेको कुनै एक पलमा ।

कति सजिलो छ निराशाभित्र रहेको आशाको

बीचमा रहेको निराशाको आशा टुक्राउन ।

कति सजिलो छ उड्न लागेको उडानभित्र

तयार भएको विपना

सम्झिन बुझ्न ।

ती कसैका सपना

कसका सपना ?

कसले समातिदिने ?

कसले सकारिदिने ती बन्न उद्धत विपना ?

आफ्नो खुसीको लागि खुसीभित्रको खुसीलाई टुक्राएर

दुःखको बीचमा रहेको खुसी

खोज्दै कति हिंड्नु ।

जति बुझेर बुझको घेरामा बुझाइलाई बिस्तार गराउँछु

त्यति बुझ अबुझ बनेर बुझाइलाई प्रश्न गर्छ

के साँच्चै बुझेको छस् तैंले ?

बुझेको भए किन चुप छस् ?

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?