धादिङबाट पेस्तोलसहित दुई जना पक्राउ

१३  असार, काठमाडौं ।   प्रहरीले पेस्तोलसहित धादिङबाट दुई जनालाई पक्राउ गरेको छ ।

पक्राउ पर्नेमा धादिङको खनियाँबास गाउँपालिका-२ अक्थलीस्थित पशुराम तामाङको घरमा डेरामा लिई बस्‍ने वडा २ झार्लाङ घर भएका २५ वर्षीय सुनील तामाङ  र २५ वर्षीय अविनाश तामाङ रहेका छन्  ।

कोठामा अवैध रुपमा हातहतियार पेस्तोल लुकाएको विशेष सूचनाको आधारमा जिल्ला प्रहरी कार्यालय धादिङबाट खटिएको टोलीले उनीहरुलाई पक्राउ गरेको हो  ।

प्रहरीले उनीहरुको साथबाट पेस्तोल  १ थान, खुकुरी  १ थान र मोबाइल सेट ३ थान बराममद गरेको छ ।

पक्राउ परेका उनीहरुलाई प्रहरीले हिरासत कक्षमा राखेर अनुसन्धान भइरहेको जिल्ला प्रहरी कार्यालय धादिङले जनाएको छ  ।