+
+

एमालेको असहमतिका बीच धनगढीको बजेट बहुमतले पारित

अनलाइनखबर अनलाइनखबर
२०७९ असार २० गते २१:०७

२० असार, धनगढी । नेकपा एमालेको असहमतीका बीच धनगढी उपमहानगरपालिकाले आगामी आर्थिक वर्ष २०७९/८० को लागि ल्याएको बजेट बहुमतले पारित गरिएको छ । सोमबार बसेको आठौं नगर सभाको बैठकले उपमेयर कन्दकला रानासहित एमालेका नगरसभा सदस्यहरुको विमतीका बीच बजेट बहुमतले पारित गरेको हो ।

नगरध्यक्ष तथा मेयर गोपाल हमालले आगामी आर्थिक वर्षको बजेट बहुमतले पारित भएको घोषणा गरेका हुन । तर उपमेयर रानाले आफू योजना तर्जु समितिको संयोजक भएपनि बाइपास गरेर मेयर हमाल र प्रमुख प्रशासकीय अधिकृत रामलाल श्रेष्ठले बजेटमा एकलौटी गरेको आरोप लगाउँदै छलफलमा भाग नलिने बताएकी थिइन् ।

उपमेयर रानाले नगरसभाको सोमबारको बैठकले जबरजस्ती बजेट पारित गरेको भन्दै उक्त निर्णयमा सहमती नभएको प्रतिक्रिया दिएकी छन् ।

रानाले उपमहानगरपालिकाको वार्षिक कार्यक्रम पुस्तिका विधि र प्रक्रिया मिचेर एकलौटी रुपमा आएको बताएपछि दुई पक्षबीच बैठकमा चर्काचर्की हुँदा केहीबेर बैठक स्थगित समेत भएको थियो ।

गत असार १० गतेको नगरसभा बैठकमा उपमेयर रानाले आगामी आर्थिक वर्ष २०७९÷८० का लागि एक अर्ब ८३ करोड बराबरको बजेट प्रस्तुत गरेकी थिइन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?