२२ साउन, धनगढी । मिर्गौलामा रहेको पत्थरीको शल्यक्रिया गरेकी महिलाको मृत्यु भएपछि धनगढीको केजी हस्पिटलमा तनाव सिर्जना भएको छ । कञ्चनपुरको कृष्णपुर नगरपालिका–१ की ५० वर्षीया समानी चौधरीको पत्थरीको शल्यक्रियाका क्रममा बिहीबार राति १० बजेतिर मृत्यु भएको प्रहरीले जनाएको छ ।
जिल्ला प्रहरी कार्यालय कैलालीका प्रहरी निरीक्षक कैलाश विष्टले चौधरीको मृत्युपछि हस्पिटलमा तनाव सिर्जना भएको बताए । उनकाअनुसार अहिले हस्पिटल र चिकित्सकको लापरवाहीका कारण चौधरीको मृत्यु भएको भन्दै आफन्तहरू विरोधमा उत्रिएका छन् ।
अहिले हस्पिटलको सुरक्षाका लागि बाक्लो संख्यामा नेपाल प्रहरी र सशस्त्र प्रहरी खटिएका छन् । हस्पिटल प्रशासनमा व्यवस्थापन र पीडित पक्षबीच वार्ता भइरहेको छ । वार्तामा कृष्णपुर नगरपालिकाका मेयर हेमराज ओझासहितका जनप्रतिनिधि समेत सहभागी छन् ।
मृतकका आफन्तले भने हस्पिटलको लापरवाहीले समानीको मृत्यु भएपछि अहिले चार/पाँच लाख रुपैयाँमा घटना मिलाउन प्रस्ताव गरेको भन्दै थप आक्रोश व्यक्त गरेका छन् ।
हस्पिटलबाहिर आफन्तको भीड बढ्न थालेपछि जिल्ला प्रहरी कार्यालय, वडा प्रहरी कार्यालयबाट थप प्रहरी परिचालन गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4