+
+

नीमा एकेडेमीले ‘मनसुन अनलाइन एडुफेस्ट’ ल्याउँदै  

अनलाइनखबर अनलाइनखबर
२०७९ असार २८ गते १४:११

काठमाडौं । नीमा एकेडेमी ई-लर्निङ एपले  शैक्षिक सत्र २०७९ को प्रारम्भिक चरणमा डिजिटल सिकाइका अफरहरूसहित ‘मनसुन अनलाइन एडुफेस्ट’ ल्याउने तयारी गरेको छ । गुरु पूर्णिमा (२९ असार)को अवसर पारी ‘मनसुन अनलाइन एडुफेस्ट’ ल्याउने तयारी गरेको नीमा एकेडेमीले जनाएको छ ।

मनसुन अनलाइन एडुफेस्ट नाम दिएको उक्त ज्ञान मेला डिजिटल माध्यममा एक हप्तासम्म चल्नेछ । नीमा एकेडेमी ई-लर्निङ प्लेटफर्मले पाठ्यक्रम विकास केन्द्रद्वारा अनुमोदित कक्षा १ देखि १० सम्मका  विद्यार्थीहरूलाई लक्षित गरी अनलाइन पाठ्यक्रमहरूको बन्डल प्याकेज भारी छुटमा प्रदान गर्दैछ ।

विद्यार्थीहरूलाई गुणस्तरीय शिक्षा किफायती मूल्यमा आकर्षक उपहारसहित उपलब्ध गराउने कुरा कम्पनीले विज्ञप्ति मार्फत जानकारी दिएको छ।

यसका साथै नीमा एकेडेमीले आगामी दिनहरूमा अफर, योजना, सदस्यता सुविधाहरू र  विद्यार्थी, शिक्षक, विद्यालय र विद्यार्थीहरूलाई लक्षित गरी लाभदायी प्याकेज ल्याउनेबारे खुलाएको छ।

मुख्यत: मनसुन अफर अन्तर्गत शिक्षार्थीहरूलाई कक्षा १ -१० सम्मका जुनकुनै पाठ्यक्रमहरूको वार्षिक प्याकेज खरिद गर्दा ३० प्रतिशतसम्मको छुटको व्यवस्था गरेको छ । नीमा एकेडेमीका अनलाइन कोर्सका विषयवस्तु/पाठ्यक्रम शिक्षण सामग्री – ईपुस्तक, भिडियो, खेल, हाजिरीजवाफ,असाइनमेन्ट र एनिमेसनमा आधारित छन्।

नेपाली बजारमा भौतिक रुपमा प्रदर्शनी, मेला हुने गरे पनि डिजिटल माध्यम त्यसमा पनि अनलाइन शिक्षा क्षेत्रमा ज्ञानमेला नयाँ प्रयास मानिने समेत कम्पनीले अवगत गराएको छ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?