लुम्बिनी गुरूयोजना विपरीत संसारा वेलनेसलाई रिसोर्ट सञ्चालन गर्न दिइएको अनुमति खारेज

१७ साउन, काठमाडौं । लुम्बिनी विकास गुरूयोजना विपरीत रिसोर्टलाई जग्गा दिने निर्णय खारेज गरिएको छ ।

संस्कृति, पर्यटन तथा नागरिक उड्डयनमन्त्री तथा लुम्बिनी विकास कोष परिषद्का अध्यक्ष जीवनराम श्रेष्ठको अध्यक्षतामा मंगलबार बसेको परिषद् बैठकले क्याम्पेन ग्राउन्डको जग्गा निजी कम्पनीलाई दिने गत १९ वैशाखको निर्णय खारेज गरेको हो ।

गुरूयोजनाविपरीत ’क्याम्पेन ग्राउन्ड’ मा ‘संसारा वेलनेस’ नामक कम्पनीलाई लुम्बिनी विकास कोषभित्र रिसोर्ट सञ्चालन गर्न अनुमति दिइएको थियो । सो अनुमति खारेज गरिएको मन्त्रालयले जनाएको छ ।