+
+

कार्म स्टारर फिल्म ‘अभिन्न’मा निर्माताको रुपमा जोडिए मीन भाम

अनलाइनखबर अनलाइनखबर
२०७९ साउन १८ गते १८:११

काठमाडौं । कार्म स्टारर फिल्म ‘अभिन्न’को निर्माताको रुपमा ‘कालोपोथी’ फेम्ड निर्देशक मीनबहादुर भाम जोडिएका छन् ।

अहिले पोस्ट प्रोडक्सन कार्य भइरहेको यो फिल्मले निर्माताको रुपमा भामलाई पाएको हो । अनलाइनखबरसँग कुरा गर्दै भामले पोस्ट प्रोडक्सन, बजारीकरण र फेस्टिभलजस्ता पक्षमा आफूले काम गर्ने बताए ।

‘अहिले कलरिङजस्ता पोस्ट प्रोडक्सनको काम भइरहेको छ । त्यसपछि हलमा रिलिज गर्ने कि फेस्टिभलमा लैजाने भन्ने टुंगो हामी लगाउँछौं,’ भामले भने । फिल्मको अर्को निर्मातामा विभाकरसुन्दर शाक्य छन् ।

प्रशान्त रसाइली निर्देशित फिल्मको मुख्य भूमिकामा कार्म छन् । लैनसिंह बाङ्देलको चर्चित उपन्यास ‘लङ्गडाको साथी’मा आधारित फिल्मको छायांकन दार्जिलिङमा गरिएको हो ।

भाम अहिले आफूले निर्देशन गर्ने तयारीमा रहेको फिल्म ‘चिसो वर्ष’को तयारीमा छन् । आगामी दुई सातापछि पोस्ट प्रोडक्सन सुरु हुने यो फिल्मको छायांकन सन् २०२२ को अन्तिमदेखि सुरु हुने योजना छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?