काठमाडौं । क्यालेन्डरमा रातो रंगमा मिति लेखिएको छ भन्ने प्रष्ट बुझ्नुस्, फिल्म निर्माताले त्यो मितिलाई अग्रिम बुकिङ गरिसकेका छन् । २०७९ सालको मसान्तसम्मै रातो रंगले लेखिएका प्रत्येक मिति बुकिङ भइसकेका छन् ।
भदौ, कात्तिकपछि अब फागुनको पालो । चुनाव र दशैंपछि अब होली र नारी दिवसको छेकोले फागुन ‘प्याक’ हुने देखिएको छ । नारी दिवस र होली पर्वको छेकोमा फागुन १९ गते तीन प्रतीक्षित फिल्म सँगै रिलिज हुने भएका छन् ।
यसअघि उक्त मितिलाई ‘वर एण्ड वधु’ र ‘परस्त्री’ले प्रदर्शन मितिको रुपमा तय गरिसकेका छन् । यो दौडमा थपिएको छ सुरक्षा पन्त स्टारर ‘बुलाकी’ । यो फिल्मले मंगलबार नयाँ पोस्टरसहित रिलिज मिति घोषणा गरेको छ ।
कात्तिक १८ गतेको पूर्वनिर्धारित मिति चुनावको कारणले स्थगित भएपछि ‘बुलाकी’ले फागुनलाई रोजेको हो । फागुनमै ‘छक्कापञ्जा ४’ पनि आउने चर्चा छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4