४ असोज, काठमाडौं । शहीद स्मारक सी डिभिजनमा ६० टिमले प्रतिस्पर्धा गर्ने भएका छन् । अखिल नेपाल फुटबल संघ (एन्फा) ले सी डिभिजन छनोटको टाइसिट ड्र गरेको छ ।
जसमा ६० टिमले प्रतिस्पर्धा गर्ने एन्फाले जनाएको छ ।
छनोटका खेलहरु असोज ६ गते बिहीबारदेखि कात्तिक २४ गतेसम्म सातदोबाटोस्थित एन्फा कम्प्लेक्स मैदानमा हुनेछ ।
सहभागि टिमलाई २० समूहमा विधाजन गरिएको छ । हरेक समूहमा ३-३ टिम छन् । समूह चरणको खेलपछि समूह विजेता बन्ने २० टिम नकआउट चरणमा प्रवेश गर्नेछन् ।
नकआउट चरणमा २० टिमलाई २ समूहमा विभाजन गरिने एन्फाले जनाएको छ ।
समूह ‘ए’ देखि ‘जे’ सम्मको विजेता नकआउट चरणको समूह ‘ए’ मा हुनेछन् भने समूह ‘के’ देखि ‘टी’ सम्मको विजेता नकआउट चरणमा समूह ‘बी’ मा हुनेछ ।
नकआउट चरणमा पराजित हुने टिम सिधै बाहिरिनेछ ।
नकआउट चरणको दुबै टिमको विजेता टिम फाइनल प्रवेश गर्नेछन् । फाइनल पुग्ने दुबै टिम ‘सी’ डिभिजनमा बढुवा हुनेछन् ।
गत असारमा भएको ‘सी’ डिभिजन लिगबाट घटुवा भएका दुई टोली वीरगञ्ज युथ एकेडेमी र ओएसिस क्लबले यस पटक ‘सी’ डिभिजन छनोटमा खेल्नेछन् ।
प्रतिक्रिया 4