असोजभित्र गत वर्षको सोधभर्ना हिसाब मिलान गरिसक्न निर्देशन

६ असोज, काठमाडौं । गत आर्थिक वर्ष २०७८/७९ मा सोधभर्ना हुने ऋण तथा अनुदानमा सञ्चालित आयोजनाले असोज ३० भित्र सोधभर्नाको लिएर हिसाव भिडान गरिसक्नु महालेखा नियन्त्रकको कार्यालयले निर्देशन दिएको छ ।

यस आवमा सोध भर्ना हुने ऋण तथा अनुदानमा खर्च भएको रकम तथा सोधभर्ना प्राप्त भएको रकम र अघिल्लो आवको सोधभर्ना बाँकी रकममा समेत हिसाव ३० गते भित्र गरिसक्नु महालेखाले आयोजनाहरुलाई भनेको हो ।

विगतमा सोधभर्ना प्राप्त हुन हुने गरी आयोजना/कार्यक्रममा खर्च भएको रकम सोधभनाए माग्न बाँकी भएको समेत त्यसको जानकारी समेत कार्यालयमा गराउन महालेखाले भनेको छ । वैदेशिक सहायतामा सञ्चालित आयोजनाले सोधभर्ना लिनुपर्छ ।