रुसी स्कुलमा अन्धाधुन्ध गोली प्रहार, ९ जनाको मृत्यु

१० असोज, काठमाडौं । रुसमा एक बन्दुकधारीले स्कुलमा अन्धाधुन्ध गोली चलाउँदा ९ जनाको मृत्यु भएको छ ।

इन्जेवस्क शहरको स्कुलमा बन्धकुधारीले गोली चलाएका हुन् । घटनामा ५ बालबालिका मारिएका छन् । दुई शिक्षक र दुई सुरक्षा गार्डको पनि मृत्यु भएको छ ।

एक हजारभन्दा बढी विद्यार्थी अध्ययरनत स्कुलमा अन्धाधुन्ध गोली चलाएपछि उनले आफैंलाई पनि गोली हानेको बीबीसीले जनाएको छ ।

रुसी मिडियामा सार्वजनिक भएको भिडियो फुटेजमा कक्षाकोठाको भइँमा रगत देखिन्छ भने झ्यालमा गोलीका खोकाहरु देखिन्छ । गोली चल्न थालेपछि बालबालिका डेस्कमुनि लुकेका थिए । अहिले विद्यार्थीहरुलाई स्कुलबाट निकालिएको छ ।