तोलामा एक हजार रुपैयाँले घट्यो सुनको मूल्य

३० असोज, काठमाडौं । आइतबार सुन चाँदीको मूल्यमा गिरावट आएको छ । नेपाल सुन चाँदी व्यवसायी महासंघकाअनुसार आइतबार प्रतितोला सुनको मूल्य एक हजार र चाँदीको मूल्य २५ रुपैयाँले घटेको छ ।

आज छापावाल सुनको मूल्य प्रतितोला ९३ हजार एक सय, तेजावी सुनको मूल्य ९२ जहार ६ सय र चाँदीको मूल्य ११ सय ६० रुपैयाँ तोकिएको छ ।

शुक्रबार ९४ हजार एक सय रुपैयाँमा छापावाल, ९३ हजार ६ सय रुपैयाँमा तेजावी र ११ सय ८५ रुपैयाँमा चाँदीको खारिद बिक्री भएको थियो ।