माओवादीको घोषणा : विपन्न र असहायका लागि निःशुल्क आवास

१४ कात्तिक, काठमाडौं । नेकपा माओवादी केन्द्रले सहरका विपन्न, असहाय तथा ज्येष्ठ नागरिकका लागि सामुदायिक आवास बनाउने वाचा गरेको छ ।

माओवादी केन्द्रले आज सार्वजनिक गरेको घोषणापत्रमा ‘सहरी विपन्न नागरिक, ज्येष्ठ नागरिक र असाहयका लागि सामुदायिक आवास निर्माण गरी आयस्तरको आधारमा निःशुल्कदेखि सशुल्क आवासको व्यवस्था गरिनेछ ।’

प्रमुख सहरमा यस्ता अवास बनाउने वाचा माओवादी घोषणापत्रमा गरिएको छ । यस बाहेक सहरमा रहेका निम्न–मध्यम र मध्यम वर्गका लागि भनेर सरकार र निजी क्षेत्रको लगानीमा सुपथ मूल्यमा अवास परियोजना सञ्चालन गर्ने माओवादी घोषणापत्रमा उल्लेख गरिएको छ ।