२ मंसिर काठमाडौं । सेनेगलका कप्तान साडियो माने आइतबारदेखि कतारमा सुरु हुने फिफा विश्वकपबाट बाहिरिएका छन् ।
विश्वकप सुरु हुनु दुई साताअघि बायर्न म्युनिखका लागि खेल्ने क्रममा घाइते भएपनि सेनेगलले उनलाई टिममा राखेको थियो । तर बिहीबार उनको खुट्टाको शल्यक्रिया गरेपछि जमर्न क्लब बायर्नले मानेले विश्वकपका सबै खेल गुमाउने पुष्टि गरेको छ ।
यसअघि सेनेगल फुटबल संघले मानेले पहिलो खेलमात्रै गुमाउने बताएको थियो । तर शल्यक्रियापछि उनी विश्वकपबाटै बाहिरिएका हुन् । माने करिब तीन महिना मैदान बाहिर हुनेछन् ।
सेनेगल फुटबल फेडेरेसनले पनि माने विश्वकपबाट बाहिरिएको पुष्टि गर्दै अब विश्वकपमा टिमले उनको लागि खेल्ने बताएको छ । नोभेम्बर ८ मा वेडर ब्रेमेन विरुद्धको खेलमा उनको खुट्टामा चोट लागेको थियो ।
अफ्रिकन प्लेअर अफ दि इअर बनिसकेका मानेले गत वर्ष सेनेगललाई पहिलो पटक अफ्रिकन कप अफ नेसन्सको उपाधि जिताउन मद्दत गरेका थिए । तर सेनेगलले मानेविनै विश्वकप खेल्नुपर्ने भएपछि ठूलो झड्का लागेको छ ।
विश्वकपका लागि समूह ए मा रहेको सेनेगलले नोभेम्बर २१ अर्थात आउने सोमबार नेदरल्याण्ड्ससँग पहिलो खेल खेल्नेछ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4