रसुवाको प्रदेशसभामा माओवादी केन्द्रका गोतामे विजयी 

६ मङ्सिर, रसुवा । रसुवामा मङ्गलबार राति सम्पन्न प्रदेशसभा (२)को प्रत्यक्षतर्फको मत परिणामअनुसार नेकपा (माओवादी केन्द्र)का इन्द्रप्रसाद गोतामे विजयी भएका छन् ।

उनले आठ हजार पाँच सय ३३ मत प्राप्त गरी विजयी भएकी मुख्य निर्वाचन अधिकृतको कार्यालयले जनाएको छ । गोतामेका निकटतम् प्रतिस्पर्धी नेकपा (एमाले)का उम्मेदवार तेम्व्रेल तामाङले चार हजार ८४ मत प्राप्त गरे ।

सो क्षेत्रमा मतगणना सम्पन्न भई अन्तिम नतिजा घोषणा गर्ने तयारी भइरहेको छ । प्रदेशसभा (२)तर्फ १४ हजार पाँच सय ५८ मत खसेकामा तीन सय ५८ मत बदर भएको थियो ।

रसुवामा हालसम्म प्रतिनिधिसभा र प्रदेशसभातर्फ प्रत्यक्षको मतगणना सम्पन्न भइसकेको छ भने समानुपातिकतर्फको मतगणना भोलि बिहान ९ बजेदेखि सुरु गरिनेछ ।