एकीकृत समाजवादीका महासचिव भन्छन् : मनाङेको कामबाट सिक्नुपर्छ

२१ मंसिर, काठमाडौं । एकीकृत समाजवादीका महासचिव डा. बेदुराम भुसालले दिपक मनाङेको कामबाट सिक्नुपर्ने बताएका छन् ।

प्रदेश सभा सदस्यमा निर्विरोध निर्वाचित मनाङे सोमबार मात्र एकीकृत समाजवादीमा प्रवेश गरेका छन् । मंगलबार पार्टी केन्द्रीय कार्यालय, तिनकुनेमा स्वागत गर्दै महासविव भुसालले प्रदेशमन्त्री भएर गुरुङले राम्रो काम गरेको बताए ।

उनले भनेका छन्, ‘एक अवधि उहाँले प्रदेश सरकारको मन्त्री भएर पनि काम गरेर देखाई सक्नुभएको छ । उहाँले गरेका कामबाट सिक्नुपर्छ भन्ने मलाई लाग्छ ।’