सुन र चाँदीको मूल्य बढ्यो 

२२ मंसिर, काठमाडौं । बिहीबार सुन र चाँदीको मूल्य बढेको छ । नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला ४ सय र चाँदीको मूल्य ३० रूपैयाँले बढेको छ ।

बिहीबार छापावाल सुनको प्रतितोला मूल्य ९९ हजार ७ सय, तेजावी सुन ९९ हजार २ सय र चाँदीको मूल्य १ हजार ३८० तोकिएको छ ।

बुधबार सुन र चाँदीको मूल्य स्थिर रहेको थियो । बुधबार छापावाल सुनको प्रतितोला मूल्य ९९ हजार ३ सय,  तेजाबी सुनको मूल्य ९८ हजार ८ सय र चाँदीको १ हजार ३५० रुपैयाँ तोकिएको थियो ।