१७ माघ, काठमाडौं । इंग्लिस प्रिमियर लिगको शीर्ष स्थानमा रहेको आर्सनलले इटलियन मिडफिल्डर जर्जिन्होलाई अनुबन्ध गर्न चेल्सीसँग १२ मिलियन पाउण्डको सम्झौता गरेको छ ।
३१ वर्षीय जर्जिन्हो सन् २०१४ मा नापोलीबाट चेल्सी आएका थिए । क्लबसँग उनको सम्झौता ६ महिना बाँकी छ ।
जर्जिन्होले आर्सनलसँग एक वर्षको विकल्पका साथ १८ महिनाका लागि सम्झौतामा हस्ताक्षर गर्नुअघि मेडिकल गर्नेछन् । आर्सनलले सुरुमा मोइसेस काइसेडोमाथि नजर लगाएको थियो ।
तर, ब्राइटनले अस्वीकार गरेपछि जर्जिन्होलाई विकल्पका रुपमा सम्झौता प्रक्रिया अगाडि बढाएको हो ।
जर्जिन्हो मिड सिजन ट्रान्सफरमा आर्सनलसँग सम्झौता गर्ने तेस्रो खेलाडी हुनेछन् ।
आर्सनलले यसअघि पोल्याण्डका डिफेण्डर जाकुव किविअरलाई स्पेजियाबाट २० मिलियन यूरोमा अनुबन्ध गरेको थियो भने बेल्जियमका स्ट्राइकर लियान्द्रो ट्रोसार्डलाई ब्राइटनबाट २१ मिलियन पाउण्डमा भित्र्याएको थियो ।
मिकेल आर्टेटा प्रशिक्षित आर्सनल प्रिमियर लिगको शीर्ष स्थानमा पाँच अंकको अग्रतामा छ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
.jpeg)
%20-%20Copy.jpg)
प्रतिक्रिया 4