एकीकृत समाजवादीले तनहुँ १ मा प्रतापलाल श्रेष्ठलाई उठाउने

१७ चैत, काठमाडौं । नेकपा एकीकृत समाजवादीले तनहुँ १ को उपनिर्वाचनमा प्रतापलाल श्रेष्ठलाई उम्मदवार बनाउने भएको छ ।

नेकपा एकीकृत समाजवादी तनहुँ जिल्ला कमिटीको बैठकले श्रेष्ठलाई उम्मेदवार बनाउने सर्वसम्मत निर्णय गरेको हो ।

गत मंसिरमा भएको चुनावमा नेकपा एकीकृत समाजवादीले नेपाली कांग्रेसलाई समर्थन गरेको थियो ।

उपचुनावमा नेपाली कांग्रेसबाट गोविन्द भट्टराई उठ्दै छन् भने कांग्रेस छाडेका स्वर्णिम वाग्ले राष्ट्रिय स्वतन्त्र पार्टीबाट उम्मेदवार बन्ने तयारीमा छन् ।

रामचन्द्र पौडेल राष्ट्रपति निर्वाचित भएपछि खाली भएको तनहुँ १ मा १० वैशाखमा उपचुनाव हुँदै छ ।