२१ चैत, काठमाडौं । शहीद स्मारक ए डिभिजन लिगमा चर्च ब्वाइज क्लबले दुई गोलको अग्रता जोगाउन नसक्दा मंगलबार एनआरटीसँग २-२ को बराबरी खेलेको छ ।
सरोज तामाङले इन्जुरी टाइममा गोल गरेपछि एनआरटीले हार टारेको हो ।
च्यासल मैदानमा भएको आशिष चौधरीले २०औं मिनेटमा गोल गर्दै चर्च ब्वाइजलाई अग्रता दिलाएका थिए ।
६२औं मिनेटमा कप्तान अनन्त तामाङले फ्रिकिकमा उत्कृष्ट गोल गरि चर्च ब्वाइजको अग्रता दोब्बर पारे ।
त्यसपछि एनआरटीले उत्कृष्ट पुनरागमन गर्यो । एनआरटीका रोहन खड्गीले ७१औं मिनेटमा गोल गर्दै आफ्नो टोलीलाई खेलमा फर्काए ।
इन्जुरी टाइमको चौथो मिनेटमा सरोज तामाङले गोल गरेपछि एनआरटीले चर्च ब्वाइजसँग बराबरी खेल्दै अंक खोसेको हो ।
बराबरीपछि चर्च ब्वाइजले ६ खेलबाट १२ अंक जोडेको छ र दोस्रो स्थानमा उक्लेको छ । जारी लिगमा एनआरटीको यो तेस्रो बराबरी हो ।
६ खेलसम्म जितबिहीन रहेको एनआरटी ३ अंकसहित पुछारबाट दोस्रो अर्थात १३औं स्थानमा छ ।
प्रतिक्रिया 4