+
+

गैंडाका दुई केटाकेटी मृत भेटिए, बाघ र भालेको आक्रमणबाट मरेको आशंका

अनलाइनखबर अनलाइनखबर
२०७९ चैत २९ गते १९:५७

२९ चैत, चितवन । चितवन राष्ट्रिय निकुञ्जमा एकै दिन गैंडाका दुई केटाकेटी मृत भेटिएका छन् ।

ती केटाकेटी बाघ र भाले गैंडाको आक्रमणबाट मरेको आशंका छ ।

निकुञ्ज कार्यालयका सूचना अधिकारी गणेशप्रसाद तिवारीले दिएको जानकारी अनुसार राष्ट्रिय निकुञ्जको अमलटारी सेक्टरको मर्दी घोलस्थित कोर क्षेत्रमा अन्दाजी ७ महिनाको गैंडाको पोथी बच्चा मृत भेटिएको हो ।

यस्तै माडीको बगई सेक्टरमा पर्ने रिउ खोलाको दक्षिण किनारस्थित मध्यवर्ती क्षेत्रको काँसघारीमा गैंडाको भाले बच्चा(केटो) मृत भेटिएको छ ।

अन्दाजी ६ महिनाको केटाको मृत्यु बाघको आक्रमणबाट भएको निकुञ्ज कार्यालयले जनाएको छ ।

खाग नपलाएको बच्चा गैंडा मृत भेटिएको सूचना स्थानीयले निकुञ्ज कार्यालयलाई दिएका थिए ।

योसँगै चितवन राष्ट्रिय निकुञ्ज र निकुञ्जको मध्यवर्ती क्षेत्रमा आर्थिक वर्ष २०७९/०८० मा चोरीसिकारी र कालगतीले मृत्यु हुने गैंडाको संख्या १६ पुगेको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?