माओवादी केन्द्रले बालुवाटारमा बोलायो पदाधिकारी बैठक

२० वैशाख, काठमाडौं। सत्तारूढ नेकपा माओवादी केन्द्रले पदाधिकारी बैठक प्रधानमन्त्रीको सरकारी निवास बालुवाटारमा बोलाएको छ ।

बिहीबार दिउँसो ५ बजे बस्ने गरी बोलाइएको बैठकमा सरकार विस्तार, सरकारको नीति तथा कार्यक्रम लगायत विषयमा छलफल हुने  एक पदाधिकारीले बताए ।

प्रधानमन्त्री पुष्पकमल दाहाल ‘प्रचण्ड’ले यसअघि सरकारी भेटघाट तथा बैठक बालुवाटार र सिंहदबारबाट गर्दै आएका थिए । पार्टीका बैठक भने पेरिसडाँडास्थित पार्टी कार्यालयमै बोलाइन्थ्यो।

बालुवाटारमै बस्नेगरी बोलाइएको यो पहिलो बैठक हो। पदाधिकारी बैठक बालुवाटारमै बोलाउनुको कारणबारे भने माओवादी नेताहरुले अनभिज्ञता जनाएका छन्।