सातदोबाटोलाई हराउँदै चर्च ब्वाइज शीर्ष स्थानमा

२ जेठ, काठमाडौं । सातदोबाटो युथ क्लबलाई पराजित गर्दै चर्च ब्वाइज युनाइटेड शहीद स्मारक ए डिभिजन लिगको शीर्ष स्थानमा उक्लेको छ ।

मंगलबार साँझ दशरथ रंगशालमा भएको खेलमा चर्च ब्वाइजले सातदोबाटोलाई १-० ले हरायो ।

चर्च ब्वाइजका लागि सुवास गुरुङले निर्णायक गोल गरे । उनले ६३औं मिनेटमा गोल गरेका थिए ।

जितपछि जावालखेल युथ क्लबलाई २ अंकले पछि पार्दै शीर्ष स्थान उक्लेको चर्च ब्वाइजले १८ खेलबाट ३३ अंक जोडेको छ र उपाधि होडमा अघि आएको छ ।

समान खेलबाट जावलाखेलको ३१ अंक छ । दुवैले समान ९ खेलमा जित हात पारेका छन् ।