२०८० जेठ ३ गते १५:५४ 
३ जेठ, काठमाडौं । १४औं संस्करणको साफ च्याम्पियनसिपको आफ्नो पहिलो खेल नेपालले कुवेतसँग खेल्ने भएको छ ।
दक्षिण एसियाली फुटबल फेडेरेसन (साफ)ले बुधबार खेलतालिका सार्वजनिक गरेको हो ।
बुधबार नै भएको समूह विभाजनमा नेपाल समूह ए मा परेको छ । यो समूहमा नेपाल र कुवेतसँगै आयोजक भारत र पाकिस्तान छन् ।
नेपालले प्रतियोगिताकै पहिलो खेलका रुपमा ६ असारमा कुवेतसँग प्रतिस्पर्धा गर्नेछ । बैंगलुरुको श्री कान्तीराभा रंगशालामा यो खेल नेपाली समयअनुसार अपराह्न पौने चार बजेदेखि सुरु हुनेछ । सोही दिन साँझको खेलमा समूह ए कै भारत र पाकिस्तान भिड्नेछन् ।
नेपालले ९ असारमा भारतसँग समूहको आफ्नो दोस्रो खेल खेल्नेछ । यो खेल सोही रंगशालामा साँझ पौने ८ बजेदेखि सुरु हुनेछ ।
समूहको अन्तिम खेल नेपालले १२ असारमा खेल्नेछ । यो खेल अपराह्न पौने ४ बजेदेखि सुरु हुनेछ । साफ च्याम्पियनसिपको फाइनल खेल १९ असारमा हुनेछ ।
प्रतिक्रिया 4