सिमेन्ट, डण्डी र जस्ता पाता आयातमा आयोजनाले पाउने भन्सार छुट खारेज

१५ जेठ,काठमाडौं। सरकारले नेपालमा आयोजना ठेक्का पाएर पनि विदेशबाट सिमेन्ट, डण्डी र जस्ता पाता आयात गर्ने कम्पनीहरुले पाउँदै आएको भन्सार छुट कटौती गरेको छ ।

आगामी आर्थिक वर्षको बजेट संसदमा प्रस्तुत गर्दै अर्थमन्त्री डा.प्रकाश शरण महतले यस्तो घोषणा गरेका हुन्।

साउन पछि सम्झौता हुने आयोजनका लागि, सिमेन्ट, डण्डी, जस्ता पाता,को छुट खारेज हुने उनले बताए ।

नेपाली उद्योगलाई प्रर्वधन गर्न यस्तो व्यवस्था गरिएको बजेटमा दाबी गरिएको छ। नेपाली उत्पादकले भ्याट, अन्तशुल्क छुट दिएर परियोजनाहरुलाई यि वस्तु बिक्रि गर्न सकिने वयवस्था बजेटमा छ ।