२ रनमै आउट भए भीम सार्की

७ असार, काठमाडौं । आईसीसी एकदिवसीय विश्वकप छनोटअन्तर्गत वेष्ट इण्डिजविरुद्ध ३४० रनको विशाल लक्ष्य पछ्याएको नेपालको दोस्रो विकेट पनि गएको छ ।

नेपालका भीम सार्की २ रन बनाउँदै दोस्रो विकेटका रुपमा आउट भएका छन् ।

४.२ ओभरमा सार्की आउट हुँदा नेपालको स्कोर २३ रन छ ।

उनलाई जोसेप होल्डरले विकेट किपर साई होपको हातबाट क्याट आउट गरेका हुन् । अमेरिकासँगको खेलमा भीम सार्की ७७ रनमा नटआउट रहेका थिए ।

यसअघि होल्डरले नै ओपनर कुशल भुर्तेललाई ५ रनमा बोल्ड गरेका थिए ।

भीम आउट भएपछि कप्तान रोहितकुमार पौडेल ब्याटिङमा आएका छन् ।