१५ असार, काठमाडौं । म्यानचेष्टर युनाइटेड इंग्लिस मिडफिल्डर मासोन माउन्टलाई चेल्सीबाट अनुबन्ध गर्न सहमत भएको छ ।
युनाइटेडले माउन्टलाई पाँच वर्षका लागि ५५ मिलियन पाउण्डमा अनुबन्ध गर्न लागेको बीबीसीले उल्लेख गरेको छ ।
२४ वर्षीय माउन्ट यस समरमा एरिक टेन हागको पहिलो अनुबन्ध हुनेछन् ।
आउने सिजन च्याम्पियन्स लिगमा छनोट भएको युनाइटेडले टिम बलियो बनाउने योजना बनाएको छ ।
चेल्सीले गत सिजन ६०० मिलियन पाउण्ड खर्च गरेको थियो । फिनान्सियल फेयर प्लेबाट बच्न चेल्सीले ३० जुन अघि नै केही खेलाडीहरु बिक्री गरिसक्नुपर्नेछ ।
चेल्सीले माउन्टका लागि युनाइटेडको सुरुवाती तीन प्रस्ताव अस्वीकार गरेको थियो । तर दुई क्लबबीच यही साता कुराकानी सुरु भयो र समहती भएको हो ।
चेल्सीले माउन्टलाई गुमाउन चाहेको थिएन तर अर्को वर्ष सम्झौता सकिन लागेका माउन्टसँग नयाँ सम्झौता गर्ने विषयमा चेल्सी सफल हुन सकेन ।
उनी ६ वर्षको हुँदा नै चेल्सी पुगेका थिए । सन् २०१९ मा माउन्टले चेल्सीका लागि डेब्यु गरेका थिए जहाँ उनले १९५ खेल खेल्दै ३३ गोल गरेका छन् ।
गत सिजन युनाइटेड तेस्रो हुँदै च्याम्पियन्स लिगमा छनोट हुँदा चेल्सीले १२औं स्थानमा लिग सकाएको थियो ।
माउन्टले २०२१ मा चेल्सीका लागि च्याम्पियन्स लिग जितेका थिए ।
उनले चेल्सीबाट यूईएफए सुपर कप र फिफा क्लब विश्वकप पनि जितेका थिए । उनले इंग्ल्याण्डका लागि ३६ खेल खेल्दै ५ गोल गरेका छन् ।
प्रतिक्रिया 4