रियलका फरवार्ड भिनिसियसकै नाममा रंगभेदी कानुन

२१ असार, काठमाडौं । ब्राजिलको रियो दि जेनेरियो सरकारले रियल मड्रिडका फरवार्ड भिनिसियस जुनियरको सम्मान गर्दै उनकै नाममा रंगभेद विरोधी कानूनको नामाकरण गरेको छ ।

‘भिनि जुनियर कानुन’ नाम दिइएको उक्त कानुन रियो सरकारले जुनमा सर्वसम्मतिले अनुमोदन गरेको हो ।

‘भिनी जुनियर कानून’ ले जातीय आचरणको घटनामा खेलकुद कार्यक्रमहरू रोकिने वा निलम्बन गरेको विषयमा हेर्नेछ ।

गत सिजन २२ वर्षीय भिनिसियसमाथि पटक पटक दुर्व्यवहार गरिएको थियो ।

‘आज धेरै विशेष दिन हो र मलाई आशा छ कि मेरो परिवार यसमा धेरै गर्व छ,’ उनले माराकाना स्टेडियममा एक समारोहमा भने, जहाँ उनले फ्लेमेन्गोको लागि सिनियर टिममा डेब्यु गरेका थिए, ‘म धेरै जवान छु र मैले यो प्राप्त गर्नेछु भन्ने आशा गरेको थिइनँ ।’

मे मा भ्यालेन्सियामा खेलको क्रममा रंगभेदी दुर्व्यवहारपछि भिनिसियसको प्रतिक्रियाबाट उक्त कानुन प्रेरित रहेको ब्राजिलियन सञ्चार माध्यमले जनाएका छन् ।

कानूनले रंगको भेदभाव र अनिवार्य शैक्षिक अभियानहरू कसरी प्रशोधन गर्ने भन्ने बारे प्रोटोकल समावेश गरेको बीबीसीले जनाएको छ ।

भिनिसियसले रियोको विधान सभा र सिटी काउन्सिलबाट पनि पुरस्कार प्राप्त गरेका थिए ।

उनको पदचिह्न पेले, गारिन्चा र रोनाल्डो जस्ता ब्राजिलका महान खेलाडीहरूको छेउमा स्टेडियमको वाक अफ फेममा राखिएको छ ।

रियोका खेलकुद सचिव राफेल पिक्कियानीले ‘रियो दि जेनेरियोमा जन्मेका र हुर्केका ब्राजिलियन फुटबलको मूर्ति’लाई सम्मान अर्पण गर्न पाउनु सम्मानको कुरा भएको बताए ।

यस्तै भिनिसियसलाई खेलाडीहरू मिलेर बनेको फिफाको विशेष जातियवाद विरोधी समितिको नेतृत्व गर्न भनिएको छ ।