मिटरब्याज पीडितलाई गृहमन्त्रीले सम्बाेधन गर्ने

२४ असार, काठमाडौं । मिटरब्याज विरुद्धको कानुन पारित गर्न माग गर्दै धर्नामा बसेका मिटरब्याज पीडितलाई उपप्रधानमन्त्री तथा गृहमन्त्री नारायणकाजी श्रेष्ठले सम्बाेधन गर्ने भएका छन् ।

कानुन पारित गर्न माग गर्दै मिटर ब्याज पीडितले माइतीघरमण्डलदेखि नयाँ बानेश्वरसम्म प्रदर्शन गरेका छन् र उनीहरु अहिले बानेश्वरमै धर्नामा छन् ।

मिटरब्याज पीडितको समस्या समाधानका लागि सरकारले २० वैशाखमा ल्याएको मुलुकी संहिता सम्बन्धी केही नेपाल ऐनलाई संशोधन गर्ने अध्यादेश २०८० को प्रतिस्थापन विधेयक संविधान अनुसार ६० दिनभित्र संसदबाट पारित नहुने भएका कारण निष्क्रिय भएको छ ।