११ भदौ, काठमाडौं । कप्तान भर्जिल भान डायकले रातो कार्ड पाएको खेलमा डार्विन नुनेजले खेलको अन्त्यतिर दुई गोल गरेपछि लिभरपुलले गएराती प्रिमियर लिगमा न्युकासललाई २-१ ले पराजित गरेको छ ।
एक गोलले पछि पर्नु र एक खेलाडी कम हुनुका बावजुत पनि लिभरपुलले पुनरागमन गर्दै जित निकालेको हो ।
घरेलु मैदानमा एन्टोनी गोर्डोनले २५औं मिनेटमा गोल गर्दै न्युकासललाई अग्रता दिलाएका थिए ।
२८औं मिनेटमा कप्तान भान डायक रातो कार्ड पाउँदै मैदान बाहिरिएपछि लिभरपुललाई अर्को झड्का लाग्यो ।
लिभरपुलका प्रशिक्षक योर्गन क्लोपले दोस्रो हाफमा नुनेज र डिएगो जोटालाई मैदान प्रवेश गराएपछि खेल बदलियो ।
७७औं मिनेटमा मैदान प्रवेश गरेका नुनेजले ८१औं मिनेटमा लिभरपुलका लागि बराबरी गोल फर्काए ।
त्यसपछि उनले इन्जुरी टाइमको तेस्रो मिनेटमा मोहमद सलाहको पासमा गोल गर्दै लिभरपुललाई २-१ को जित दिलाए ।
तीन खेल खेल्दा दोस्रो जित निकालेको लिभरपुल ७ अंक जोडेर चौथो स्थानमा उक्लेको छ ।
दोस्रो हार बेहोरेको न्युकासल तीन अंकसहित १३औं स्थानमा छ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4