+
+

एनकेतिअको ह्याट्रिकमा आर्सनलको सानदार जित

अनलाइनखबर अनलाइनखबर
२०८० कात्तिक १२ गते ६:५२

१२ कात्तिक, काठमाडौं । एडी एनकेतिअले ह्याट्रिक गरेपछि आर्सनलले प्रिमियर लिगमा शनिबार शेफिल्ड युनाइटेडलाई ५-० को फराकिलो अन्तरले पराजित गरेको छ ।

यस जितपछि आर्सनल दोस्रो स्थानमा उक्लेको छ र शीर्ष स्थानको टोटनहमसँग अंकदूरी दुईमा झारेको छ ।

घरेलु मैदान एमिरेट्स स्टेडियममा भएको खेलमा एनकेतिहले २८औं मिनेटमा गोल गर्दै अग्रता दिलाएका थिए । पहिलो हाफमा एक गोल मात्र गरेको आर्सनलले दोस्रो हाफमा चार गोल थप्यो ।

एनकेतिहले ५०औं मिनेटमा दोस्रो गोल गर्दा ५८औं मिनेटमा व्यक्तिगत तेस्रो गोल गर्दै ह्याट्रिक पूरा गरे ।

आर्सनल यतिमै रोकिएन । वैकल्पिक खेलाडीको रुपमा मैदान प्रवेश गरेका फिबयन भिएराले ८८औं मिनेटमा पेनाल्टीमा गोल गरे भने तारेहिरो तोमियासुले इन्जुरी टाइममा गोल गरे ।

जितपछि आर्सनलले १० खेलबाट २४ अंक जोडेको छ । समान खेलबाट २६ अंकसहित टोटनहम शीर्ष स्थानमा छ । एक खेल कम खेलेको म्यानचेष्टर सिटी २१ अंकसहित तेस्रो स्थानमा छ ।

सिटीले आइतबार  राति छिमेकी म्यानचेष्टर युनाइटेडसँग ओल्ड ट्राफोर्डमा खेल्दैछ ।

Results

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?