२४ कात्तिक, काठमाडौं । नेपाल सुपर लिग एनएसएलको आधिकारिक टिकेटिङ पार्टनर आइएमई पे रहने भएको छ ।
आइएमई पे र एनएसएल आयोजक नेपाल स्पोर्ट्स एण्ड इभेन्ट म्यानेज्मेन्टबीच यससम्बन्धी सम्झौता भएको हो ।
९ टिम सहभागी हुने नेपालको फ्रेञ्चाइजी फुटबल लिग एनएसएल मंसिर ८ गतेदेखि दशरथ रंगशालामा सुरु हुँदै छ ।
डिजिटल भुक्तानी र टिकट सेवाहरूमा आइएमई पेको आबद्धताले फ्यानहरूलाई आगामी सिजनको टिकट खरिद गर्न सहज र झन्झटमुक्त बनाउने विश्वास लिएको नेपाल स्पोर्ट्स एण्ड इभेन्ट म्यानेज्मेन्टले जनाएको छ ।
सम्झौता कार्यक्रममा आइएमई पे का प्रमुख कार्यकारी अधिकृत प्रवीण रेग्मीले नेपाली फुटबल विकासका विभिन्न आयामहरूमा जोडिन पाउँदा गौरवान्वित रहेको बताए ।
प्रतिक्रिया 4