२०८० मंसिर ३ गते १८:४७ 
३ मंसिर, काठमाडौं । विश्वकप क्रिकेटको फाइनलमा भारत र अस्ट्रेलियाबीचको खेल चलिरहेको बेला मैदान प्रवेश गर्ने एक जनालाई प्रहरी पक्राउ गरेको छ ।
फ्री प्यालेस्टाइन लेखिएको टिसर्ट लगाएका र हातमा झण्डा बोकेका एक जना खेल भइरहेको अहमदावाद स्टेडियममा मैदान प्रवेश गरेर पिचसम्मै पुगेका थिए ।
उनको टिसर्टको पछाडि फ्री प्यालेस्टाइन र अगाडी पट्टी स्टप बम्बिङ प्यालेस्टाइन लेखिएको थियो ।
उनले पिचमा पुगेर विराट कोहलीको काँधमा हात राखेका थिए । त्यसपछि सुरक्षाकर्मीले उनलाई प्रकाउ गरेका हुन् ।
पक्राउ पर्ने व्यक्तिले प्रहरीसँग आफू अस्ट्रेलियामा बस्दै आएको र आफ्नो नाम जोनसन रहेको बताएका भारतीय सञ्चार माध्यमले जनाएका छन् । उनले आफू प्यालेस्टायन समर्थक रहेको पनि बताएका छन् ।
प्रतिक्रिया 4