मञ्जुश्री फाइनान्सको लाभांश घोषणा

१५ मंसिर, काठमाडौं । मञ्जुश्री फाइनान्सले सेयरधनीलाई दिने लाभांश घोषणा गरेको छ ।

फाइनान्सको सञ्चालक समितिको बैठकले गत आर्थिक वर्षसम्मको सञ्चित नाफाका आधारमा कम्पनीले कायम चुक्ता पुँजीको ५.२६३ प्रतिशत नगद लाभांश घोषणा गरेको हो ।

कुल ७ करोड ११ लाख रुपैयाँ बराबर नगद लाभांश प्रदान हुने फाइनान्सले जनाएको छ ।

फाइनान्सले यस पटक बोनस सेयर नदिने भएको छ । उक्त लाभांश आगामी साधारणसभाबाट पारित भएपछि सेयरधनीले पाउने छन् ।

यसअघि अघिल्लो आर्थिक वर्ष २०७८÷७९ मा कम्पनीले ४० प्रतिशत बोनस सेयर र ६ प्रतिशत नगद लाभांश दिएको थियो ।