सुदूरपश्चिमका एमाले सांसदले दिए जाजरकोटका भूकम्प पीडितलाई सहयोग

२ पुस, धनगढी । नेकपा एमाले सुदूरपश्चिम प्रदेश संसदीय दलको कार्यालयले जाजरकोट भूकम्प पीडितलाई सहयोग गरेको छ ।

प्रदेशसभाका ९ जना सांसद र उनीहरूका स्वकीय सचिवबाट रकम संकलन गरेर सोमबार जिल्ला प्रशासन कार्यालयमार्फत सहयोग रकम पठाइएको छ ।

एमाले संसदीय दलका नेता राजेन्द्र रावलले प्रदेशसभाका सदस्यबाट १० हजार र स्वकीय सचिवहरुबाट पाँच हजारका दरले रकम संकलन गरेर भूकम्प पीडितलाई १ लाख ३५ हजार रुपैयाँ पठाइएको जानकारी दिए ।