सेयर बजार २११९ अंकमा, साढे ५ अर्बको कारोबार

१६ माघ, काठमाडौं । मंगलबार पनि सेयर बजार बढेको छ । अघिल्लो दिनको तुलनामा १४.८८ अंक बढेर नेप्से परिसूचक २११९ अंकमा पुगेको छ । सेयर कारोबार रकम झण्डै १ अर्ब बढेको छ ।

सोमबार ४ अर्ब ५६ करोड रुपैयाँको कारोबार भएकोमा मंगलबार ५ अर्ब ५४ करोड रुपैयाँ बराबरको कारोबार भयो । कुल १५२ कम्पनीको मूल्य बढ्दा ८५ को घट्यो भने १० को स्थिर रह्यो ।
अन्य समूह सबैभन्दा धेरै ३.५ प्रतिशत बढ्यो । त्यस्तै ब्यापार १.७६, होटल तथा पर्यटन १.५९ र हाइड्रोपावर समूह १.४७ प्रतिशत बढ्यो ।

अंकका आधारमा बैंकिङ २, माइक्रोफाइनान्स ११, निर्जीवन बीमा ४ र फाइनान्स ०.०२ अंक घटे । विकास बैंक १२, होटल तथा पर्यटन ८७, हाइड्रोपावर ३९, जीवन बीमा ३६, उत्पादन ३८, अन्य ६३ र ब्यापार समूह ५० अंक बढे ।

चन्द्रागिरि हिल्स, समाज लघुवित्त र रावा इनर्जीको मूल्य १० प्रतिशत बढ्यो । सिनर्जी पावरको ८.७, सिंगटी हाइड्रो इनर्जीको ८.२, ग्रीनलाइफ हाइड्रोपावरको ७.९, विशालबजार कम्पनीको ७.६ र मकरजितुमाया हाइड्रोको ७.४ प्रतिशत मूल्य बढ्यो ।

कारोबार रकमका आधारमा हिमालयन रिइन्स्योरेन्स, ङादी पावर, नेपाल पुनर्बीमा, अरुणभ्याली हाइड्रोपावर र युनाइटेड मोदी हाइड्रोपावर क्रमशः अगाडि रहे ।