माइक्रो ब्लगिङ साइट एक्सको मालिक भएसँगै अर्बपति एलन मस्कको नजर माइक्रोसफ्टको सोसल मिडिया प्लाटर्फम लिंक्डइन माथि छ । यद्यपि मस्कले लिंक्डइनलाई खरिद गर्ने योजना बनाइरहेका छैनन्, उसलाई माथ खुवाउने ध्येय छ उनको ।
वास्तवमा एलन मस्क विभिन्न विश्वप्रसिद्ध प्रविधि कम्पनीहरुका मालिक मात्र होइनन् सबैभन्दा लडहवाज मानिस पनि हुन् । एलन मस्कले बेलाबेलामा यस्ता निर्णयहरु गर्छन् जसबाट आम मानिसहरु छक्क पर्नुको विकल्प हुँदैन ।
निकै महँगो मूल्यमा ट्वीटर खरिद गरेसँगै उनले यसको लोकप्रिय ब्राण्डलाई नै परिवर्तन गरी एक्स नामाकरण गरे । उनले एक्स प्लाटर्फमलाई एभ्रिथिंग एप बनाउने योजनामा छन् ।
उनी एक्सलाई आम मानिसहरुको जागिर खोज्ने ठाउँ पनि बनाउन चाहन्छन् । यसका लागि एक्स हायरिंग अकाउन्ट नै सुरुआत गरिएको छ ।
एलन मस्कले एक्स हायरिंग अकाउन्टमा एउटा यस्तो पोस्टलाई रिपोस्ट गरेका छन् जसमा दाबी गरिएको छ कि एक्समा जागिरका लागि सूचना तथा विवरण राख्ने कार्यमा कम्पनीहरुको रुची बढिरहेको छ ।
सो पोस्टमा दाबी गरिए अनुसार एक्स हायरिंगमा हालसमम १० लाख जागिरको विवरण प्रकाशित भैसकेको छ ।
स्मरण रहोस् एक्स हायरिंग सोसल मिडिया कम्पनी एक्सको जब सर्च पोर्टल हो । एक्समा जागिरको विज्ञापन गर्नेमा एआई, वित्तीय तथा सफ्टवेयर सेवा कम्पनीहरु रहेका छन् ।
पछिल्लो समयमा एक्स हायरिंगको लोकप्रियतासँगै यसको प्रतिस्पर्धा माइक्रोसफ्टको व्यवसायिक नेटवर्क प्लाटर्फम लिंक्डइनसँग हुने देखिन्छ ।
लेखकको बारेमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4