शिशुले दूध पिउन मान्दैन ? यी ६ कारण हुनसक्छन्

२०८० चैत १४ गते १३:४९

डा. अनिल ओझा डेभलपमेन्ट पेडियाट्रिसियन

बच्चाहरू आफ्नो शारीरिक समस्या बताउन सक्दैनन्, तर केही संकेत भने दिन्छन् । त्यही संकेतलाई याद गरेर बच्चाको समस्या पत्ता लगाउन सकिन्छ ।

बच्चाले समस्या हुँदा देखाउने विभिन्न संकेतमध्ये एउटा संकेत दूध नपिउनु हो । यदि बच्चाले दूध पिइरहेको छैन भने यसलाई हल्का रूपमा लिनु हुँदैन । यसका पछाडि धेरै कारण हुनसक्छन्, जुन बच्चाको स्वास्थ्यसँग सम्बन्धित हुनसक्छ ।

सास फेर्न गाह्रो हुनु

यदि बच्चालाई सास फेर्न समस्या छ भने उसले दूध पिउन सक्दैन । यदि बच्चाले दूध पिउन कोसिस गर्छ भने उसलाई छातीमा दबाब महसुस हुन्छ र सास फेर्न समस्या हुन्छ । यस्तो अवस्थामा बच्चा रुन थाल्छ ।

पेट दुख्ने

पेट दुख्ने समस्यामा पनि दूध शिशुले पिउन छोड्छन् । बच्चाको पेट हल्का थिच्ने प्रयास गर्दा ऊ रोयो भने बच्चाको पेट दुखेको छ भनेर बुझ्नुपर्छ ।

ज्वरो आउनु

यदि बच्चालाई ज्वरो आएको छ,  शरीरमा दुखाइ छ भने वा उसको शरीर थाकेको र दूध पिउँदा धेरै ऊर्जा खर्च गर्न नसक्ने भएकाले उसले दूध पिउन छोड्छ ।

एलर्जी

यदि बच्चालाई कुनै कारणले एलर्जी छ भने उसले दूध पिउन अस्वीकार गर्छ । एलर्जीका कारण बच्चालाई बान्ता पनि हुनसक्छ । यदि बच्चालाई थाकेको छ भने पनि उसले दूध पिउन अस्वीकार गर्न सक्छ ।

भोक नलागेर

धेरै पटक हामीले बच्चालाई धेरै खुवाउने गर्छौं । यसकारण पनि बच्चाले दूध पिउन मन गर्दैन । यदि बच्चाको पेट भरिएको छ भने उसलाई जबर्जस्ती दूध खुवाउनु हुँदैन । यसले बच्चामा पेट दुख्ने वा बान्ता हुनसक्छ ।

दुखाइ

यदि बच्चाको कान वा शरीरको अन्य कुनै भाग दुखिरहेको छ भने उसले दूध पिउन सक्दैन । दुखाइको कारण बच्चाहरूले असहज महसुस गर्छन् र दूध पिउँदैनन् ।

अन्य कारण

– दूधको तीव्र बहावका कारण बच्चाले पनि दूध पिउन छोड्छ । यस्तो अवस्थामा बच्चालाई दूध पिउन समस्या हुन्छ ।

– बच्चाले दूध पिउन मानी रहेको छैन भने उसको मुखमा घाँटीमा संक्रमण पनि भएको हुनसक्छ । मुखमा घाँटीमा संक्रमण हुँदा बच्चाले दूध पिउन मान्दैन र रुने गर्छ ।

– कहिलेकाहीं आमाले केही औषधि वा खाना खाँदा बच्चालाई एलर्जी हुन्छ । जसकारण बच्चाले आमाको दूध पिउन पनि छाड्छ ।

धेरैजसो बच्चाले स्तनपान गर्न केही समय अस्वीकार गर्छन् । थोरै प्रयासपछि बच्चाले स्तनपानमा रुचि देखाउन थाल्छ । तर कतिपय बच्चा जति कोसिस गर्दा पनि स्तनपान गर्न मान्दैनन् । यस्तो अवस्थामा बच्चाले स्तनपान गर्न नचाहनुको कारण के हो भनेर पत्ता लगाउनुपर्ने हुन्छ । त्यसको लागि अस्पताल गएर चिकित्सकको सल्लाह लिनुपर्छ ।

यो पनि पढ्नुहोस

शिशुलाई गाईवस्तुको दूध खुवाउनै हुन्न, आमाको दूध अमूल्य उपहार

हट टपिक्स

अल्जाइमर

आयुर्वेद

इन्डोक्राइन (हर्मोन रोग)

एचआईभी

नेत्ररोग

प्रसूति तथा स्त्रीरोग

बालरोग

मानसिक स्वास्थ्य (डिप्रेसन, एन्जाइटी)

मिर्गौला तथा मुत्र रोग

मुख तथा दन्त रोग

योग तथा प्राणायाम

हेपटाइटिस