नेटफ्ल्क्सि सिरिजबाट निर्देशनमा डेब्यु गर्दै शाहरुख खानका छोरा आर्यन

काठमाडौं । एक वेब-सिरिजको निर्माणमा नेटफ्ल्क्सि र शाहरुख खानको कम्पनी रेड चिल्लिज इन्टरटेनमेन्टबीच सहकार्य हुने भएको छ । सिरिजको निर्देशन शाहरुखका छोरा आर्यनले गर्नेछन् । यो उनको निर्देशकीय डेब्यु हुनेछ ।

नेटफ्ल्क्सिले सोमबार सिरिज घोषणा गरेको छ । ‘फिल्म उद्योगको पृष्ठभूमिमा सेट गरिएको, यो बहुविधाको प्रोजेक्टले बलिउडको चम्किलो तर कठिन संसारमा प्रवेश गर्ने एक आकर्षक, महत्वाकांक्षी बाहिरी व्यक्तिको साहसिक यात्राको माध्यमबाट साहसी, निर्दोष, मनोरञ्जनात्मक यात्राको कथा भन्छ’ नेटफ्ल्क्सिले जारी गरेको विज्ञप्तिमा उल्लेख छ ।

‘श्रृंखलाले भारतीय सिनेमामा ब्लकबस्टर क्यामियो र लार्जर देन लाइफका चरित्र प्रस्तुत गर्दै आत्मजागरूक हास्य कथा प्रस्तुत गर्छ’ सिरिजबारे प्लाटफर्मले भनेको छ ।

‘हामी यो नयाँ श्रृंखला नेटफ्ल्क्सिसँग प्रस्तुत गर्न लागेकोमा उत्साहित छौं जसले ग्ल्यामर्स फिल्म संसारमा एक स्फूर्तिदायी लुक प्रदान गर्दछ’ शाहरुखले भनेका छन्, ‘एक अद्वितीय कथा हो जुन आर्यन र रेड चिलीज इन्टरटेनमेन्टको टोलीले ल्याएको हो । यो सिरिज हृदयस्पर्शी, हलचल र मनोरञ्जक हुन गैरहेको छ ।’

सन् २०२५ मा रिलिज हुने अपेक्षा गरिएको यो सिरिज रेड चिल्लिज र नेट्फिल्क्सबीचको छैटौं सहकार्य हुनेछ । यसअघि यी दुई कम्पनी डार्लिङ्स, भक्षक, क्लास अफ ८३, बेताल, बार्ड अफ ब्लडमा सहकार्य गरेका थिए ।

नेटफ्ल्क्सि इन्डियाकी उपप्रमुख मोनिका शेरगिलले रेड चिल्लिजसँग पुनः सहकार्य गर्न पाउँदा आफूहरु उत्साहित रहेको बताइन् । यो सिरिजलाई आर्यन खानले निर्देशन गर्ने उनको भनाइ छ ।