२०८१ फागुन ८ गते २१:४५ 
८ फागुन, काठमाडौं । बिहीबार साँझ दर्शकले भरिएको घरेलु मैदान दशरथ रंगशालामा नेपाली महिला फुटबल टोलीले लेबननलाई हरायो ।
पहिलो हाफको ४२औं मिनेटमा सावित्रा भण्डारीको प्रहार गोलमा परिणत भएको थियो । त्यही गोल निर्णायक बन्दा नेपाल एक खेल अगावै फाइनलमा पुग्यो ।
दोस्रो हाफमा कुनैपनि पक्षबाट गोल हुन सकेन । खेलभर लगभग हाबी नेपालले गोल गर्ने थुप्रै मौका गुमाएको थियो ।
गोलको अवसर सिर्जना भइरहँदा समर्थकको चर्को हुटिङ हुन्थ्यो । अखिल नेपाल फुटबल संघ (एन्फा) ले लेबनन, म्यानमार र किर्गिस्तानलाई बोलाएर पहिलोपटक चार देशीय प्रतियोगिता गरेको हो । पहिलो पटकमै महिला फुटबलमा नेपाली दर्शकहरुमा बढिरहेको आकर्षण देखिएको छ ।
यसअघि किर्गिस्तानलाई १–० गोल अन्तरले नेपालले हराउँदा पनि ठूलो संख्यामा दर्शक मैदान पुगेका थिए । अब म्यानमारसँग नेपालले फाइनल सहित दुई खेल खेल्नेछ ।
हेर्नुहोस् तस्वीरहरू :
प्रतिक्रिया 4