१९ वैशाख, काठमाडौं । उदयपुरको चौदण्डीगडी नगरपालिकाले आज निति कार्यक्रम तथा बजेट प्रस्तुत गर्ने ७५३ स्थानीय तहमध्ये पहिलो बनेको छ ।
नगरका मेयर कालुमान लामाले आर्थिक वर्ष २०८२/०८३ को नीति कार्यक्रम तथा बजेट प्रस्तुत गर्दै भौतिक पूर्वाधार वर्षको रुपमा सम्बोधन गरे । उनले जनताको अपेक्षा र आवश्यकतालाई मध्येनजर गर्दै शिक्षा, स्वास्थ्य, सामाजिक सुरक्षा लगायतलाई सम्बोधन गरिएको बताए ।
२१२ टोल विकास संस्थाहरुमा छलफलसहित ल्याएको नीति कार्यक्रम तथा बजेटले सबै टोल विकास संस्थाहरुमा योजना वितरण गर्ने भएको छ ।
चौदण्डीगढीले ल्याएको नीति तथा कार्यक्रम अन्तर्गत ०८२/८३लाई भौतिक पूर्वाधार निर्माणको वर्षको रुपमा मनाउने लक्ष्य लिइएको छ। यस्तै एक टोल विकास एक योजना कार्यक्रम सञ्चालन गर्ने नगरको नीति रहेको छ ।
यस्तै नगरपालिकाले एक वडा, एक उत्पादन कार्यक्रम सञ्चालन गर्ने नीति लिएको छ ।
पशु विमा कार्यक्रम, पूर्ण पशु खोप कार्यक्रम तथा नश्ल सुधार कार्यक्रम सञ्चालन गर्ने नीति लिइनेछ ।
यस्तै गुणस्तरीय शिक्षा प्रदान गर्न सामुदायिक विद्यालयहरूको स्तरीकरण र संस्थागत विद्यालयहरूको प्रभावकारी नियमन गरने योजना लिएको छ ।
नगर उपप्रमुख मणिकादेवी दुलालले हरेक टोल विकास संस्थासंग प्रकियागतरुपले छलफल गरि ल्याएको निति तथा बजेट प्रभावकारी कार्यान्वयनमा जोड दिइने बताइन् ।
कर्मचारी समायोजन, चालु खर्च घटाउने नीति अवलम्बन गरेको छ भने भूमि सम्बन्धीको विधेयक पनि पारित गरेको प्रमुख प्रशासकीय अधिकृत काजिमान राईले बताए ।
हेर्नुहोस् चौदण्डीगडी नगरपालिकाको नीति तथा कार्यक्रम :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4